السلام عليكم
قريت واحد الموضوع (حكاية) في واحد المنتدى وحبيت نعاود نحكيهالكم...
وش رايحة نحكي وش رايحة نخلي يا جمـــــــــــــــــاعة الفصحى راحت وعيـــت ندير جملة مفيدة ...............بصح معليش راني في الرياضة الجزائرية كي تفهموني أنتوما الدنيا وما فيها اصلا منيش حاب يفهمني واحد غير الجزائري ؟
المهم جبتلكم حوايج ملاح بزااف ؟ علابالي راكم في شهر مارس وراكم مع اخـــــبار المحترفين تاعنا مع الاندية ومع سعدان والمدربين والمحللين راهم يهدروو والفلاسفة يتفسلفوو بصح أنا خليتكم راني كنت في شهر جوان مـــــــا عنديش 4 ساعات المهم منين راح نبدأ يا جمــــاعة خايف نبدأ نحكي تقولو عليا مريضة بصح صدقوني غير راني صحيحة والحمد لله ؟ وراني سافرت عبر الزمن صح صح ............علابالي واحد ما يصدقني حاجة كمــا هذي نشفوها غير في الافلام الخيالية ؟ ...........بصح والله نورمالمو تصدقوني على خاطر رانا عايشين في الخيال والمعجزات ؟ يخي سمعتوو هذي *الجزائر بلد المعجزات * ايا قولي وش من فريق ظهر من عامين وقدر يشارك في كــــــاس العالم ..وش من فريق قدر يحتل المركز 4 في كـــأس افريقيا بعد غياب منها مرتين ؟ ........وش من فريق قدر يرجع في الوقت الاضافي ؟؟ علابالي راح تقولو كـــــــاينة بصح تخسر في الدقيقة 90 وتعدل في 91 ماركة جزائرية برك هههههههه
معليش نزيدلكم وحدة وش من فريق قدر يـتأهل للدور الثاني في تصفيات بهدف واحد ؟ يخي الجزائر برك ؟؟؟؟؟؟؟؟؟؟؟؟؟؟؟ صدقتوني يعني قادرة انا نكون سافرت للمستقبل ...المهم في الاخير راني سافرت وراح نحكيلكم حوايج صراوو
علابالكم في جوان وش صرا القنوات العربية : البطولات كــــــــامل كملوو العربية الاوربية وكامل ......القنوات العربية وش راح يديروو مكانش وش يهدروو غير الجزائر راهم من الصباح حتى الليل غير الجزائر ....لاعب هذاك المدرب سعدان راهم داروو خرجوو كلاوو شربوو المهم الهدرة غير علينا وراح يهدروو بسيف عليهم علاه على خاطر البلد العربي الوحيد كمـــــــا يقولو اللي راه في كأس العالم والحدث الاكبر ؟؟
المهم يــــــــــا جمــــــــــــاعة المدربين تاعنا ......مدربين هذوك .........هذووك ...يخي عرفتوهم ولالا ؟ .............راني نحكي على 35 مليون مدرب ؟ ايه
راهم مزالوو كي العادة سعدان مش مليح سعدان راح يخسر ؟
ايا يوم 13 جوان واحد النهار يا خاوتي طويل طويل طويل والغاشي راهي تهدر بالفريق الوطني والناس كامل دايخة ............رقدنا بيهم نفطرووبيهم ونشربوو بيهم مخلطة الحية خلاص ..واحد راح للحلاق قالوو ديرلي كوب دي موند في راسي ؟ وش هي والله غير دوخ
وحدة راهي تحكي مع رجلها تعيطلوو شاوشي وهو يعيطلها خضرة ؟ ما فهمنا والوو الغاشي خايفة المهم ؟ راهي 8 الماتش راح يبدا ؟ استغفر الله والله قلبي راح يحبس كي نشوف لي جوار دخلوو والجمهور منحكيش ؟ ..............وش هذا وش هذا المدرجات ؟ والله غير راسك يحبس تقول رانا في 5 جويلية ؟ الجمهور جزائري 100/100 كي العادة لهبال ؟ تع سلوفينيا تخلعوو ..... جامي شافوو لهبال هذا ؟ والعالم كامل راهم يتفرجوو ؟ جمهور مجنون صح ؟ايا النشيد الوطني والغاشي كامل تغني ؟ لي جوار راهم فووووووووور المورال راه طــــــــــــالع ؟ اصبر اصبر اصبر حاجة اخرى راهي تخلع صح ........شاوشي كاين ؟ عنتر يحيا حليش بوقرة وبلحاج مهدي لحسن يبدأ زياني مقني مطمور غزال جبور الشادلي بصح شكون راح يلعب شكون ما يلعبش ؟ ما يهمش المهم ..........تع سلوفيــنيا راهم تشوكاو صح صح بلحاج دار فيهم حــــــــــــالة من الجهة اليسرى ؟ غزال راهوو كي العادة 2 لاعبين يعسوو فيه ومطمور راه فووووووووووور ..وحليش وبوقرة والله يا خاوتي حيط وعنتر سياج شائك تقول حدود استعمارية ..........وشاوشي العنكبوت ناصب الشبكة تاعوو البالوو ممنوع يفوورت ؟ والله يا خاوتي غير رانا نخلعوو طريقة اللعب غير البرازيل وتتخلع منا ؟
اوووووووووووووووووووووووو ووووووووووووووووووووووووو و خسارة ضربة جزاء لينا والحكم ما حبش يصفر ؟؟؟؟؟؟؟؟؟؟ ايا معليش ربي خير .........اووووووو والله شاوشي غير قالهم راني هنا وما نكرديش......................... ......................... ......................... .......................يا ستار يا حفيظ وش هذا خاوتي منيش مصدقة منيش مصدقة اوووووووووووووووووووووووو وووووووووووو والله يا غزال غير فوووووووووور راه سجل الهدف الاول براسووووووووووو مطمور وزع وغزال يسجل ؟
الشوط الاول كمل 1 -0
الشوط الثاني ؟ وش هذا وش هذا ؟؟؟؟؟؟؟؟؟؟؟؟؟ جبور غزال ومطمور 3 مهاجمين اواه سعدان اليوم راهوو ناوي ؟؟؟؟؟؟؟؟؟؟؟
حفيظ دراجي راحلو الصوت وجابو معلق واحد اخر في بلاصطوو ههههههههههههه
وووووووووووووووووووووومطم ورووووووووووووووووووووووو ووووووووووووووووور الهدف الثاني ؟
جمــــــــــــاعة علابالي مكمش مصدقين بلي ربحنا 2-0 الماتش الاول ؟
الجرائد تع 14 جوان :
الخضر يظهرون بقوة .........جريدة الهف
معاك يا سعدان في مكان ؟ .........جريدة الغروب
هل هذه هي الجزائر حقا ام فريق ؟ يخي عنوان يخي ؟ علابلكم شكون هذي جريدة الليل عفوا النهار ؟
الجرائد والصحف العالمية : الجزائر تزيج سلوفينيا
الجزائر تسطر ملحمة في جنوب افريقيا
المهم الهدرة غير علينا ......................نسيت حاجة مهمة ؟
الصحف العربية والصحافة ههههههههههههههههههههه : العرب ينجحون ؟ العرب يفعلون ؟ العرب ينفجرون ؟ العرب يتوعدون
علابالكم حكاية العرب هذي حبستلي راسي رجعنا عرب صايي هههههههههههه
ايا معليش ؟ نرجعوو لبلادنا الغاشي كــــــــــــامل مع يا سعدان لا سلوفينا لا المريكان ...معاك يا سعدان نديروها مع الانجيز ونروحو للالمان ولا الاسبان ...معاك يا سعدن واحد ما يخلعنا لا فرنسا لا الطليان ؟ المدربين والمحللين ؟ قلت لكم ان غزال لاعب ممتاز ؟ شكون قال هذي ووووووووووووووووووووووووو ووووووو خلي برك حوايج منحكمهمش خير خلي الغاشي ره فرحان
جمــــــــــــــــــاعة سمحولي لازم نرجع للحاضر خايف تطول في المستقبل ونفزدو السيسبانس تع لاكوب دي موند ؟
